II माणूस II

II माणूस II
कोणी म्हणतोय प्रगती..
कोणी म्हणे अधोगती..
जीवनाच्या रहाट गाड्यात..
माणूस देतो स्वतःस गती..!!

दिवासाची काय बात हो..
आता जागून काढतो राती..
स्वःहित जपता जपता..
नष्ट करतो इतर जाती..!!

भरता तुंबडी स्वतःची..
अवनीस करतोय रिती..
झुकवून डोंगर माथे..
उपसली सारी माती..!!

करून नष्ट वनराई..
उभारल्या सिमेंटच्या भिंती..
माणसा तुझ्या हौसेचे..
मोल तरी किती..!!

झाले परागंदा वन्य प्राणी..
लुप्त झाल्या किती जाती..
माणूस नावाच्या श्वापादास..
ना उरली आता कसलीच भीती..!!
*चकोर*
(सुनिल पवार)