न वाचलेलं पुस्तक..
तू कधीच वाचलं नाही
मनाचं पुस्तक
नुसतीच पानं पालटत गेली।
तुझ्या पालटण्याच्या नादात
किती पानं चुरगळत गेली।
नाही!
म्हणजे, वाचलेच पाहिजे असेही नाही
पण किमान
शब्द तरी चाळायला हवे होते।
काही नियम अलिखित असतात
त्यांचे संकेत तुला पाळायला हवे होते।
तसं कळतंय मलाही,
हल्ली वेळेअभावी वाचन होत नाही।
पण म्हणतात ना
मानसिकता हवी असते
पण नेमकी
तीच कुठे दिसत नाही।
न पेक्षा एक काम कर
बंद कर ते पुस्तक
अन् फेकून दे अडगळीत अथवा रद्दीत
मला खात्री आहे,
तेच न वाचलेलं पुस्तक
कधीतरी अडीअडचणीत
तुझ्याच कामास येईल
तेव्हा कदाचित
तुला ते वाचण्याचा मोह होईल।
--सुनील पवार.
No comments:
Post a Comment