|| ऐलतीर,पैलतीर ||

|| ऐलतीर,पैलतीर ||
=============
तू सूर्य,तू भास्कर
तुला जाळणे जमते..
हतबलता वसुंधरेस
सहज जाळत जाते..!!

तू पृथ्वी,तू वसुंधरा
तुला जळणं कळते..
चंद्राची शीतलता
आता त्यालाच छळते..!!

तू चंद्र,तू शशी
तू चांदण्यात नाहतो..
सागराच्या उसळण्याचा
तुज अर्थ कुठे कळतो..!!

तू सागर,तू रत्नाकर
तू लाटांशी खेळतो..
सारितेच्या समर्पणाला
अर्थ काय उरतो..??

तू सरिता, तू सागरिका
तू गुंतली दोन किनाऱ्यात..
मी ऐलतीर,मी पैलतीर
सांग कोण माझ्या मनात..??
***सुनिल पवार...✍🏼