|| दिवाना ||

|| दिवाना ||
=======
पावसात
तिला भिजताना पाहून
मी
देह भान हरपून जातो..
थेंब पाण्याचा
तिच्या अधरावर रेंगाळतो
अन
मी पाऊस होऊन जातो..!!

ती
चिंब भिजते नखशिखांत
तिला
नसते जणू कसलीच भ्रांत..
असूया माझ्या मनाची
पुसतसे
काय असावं
तिचं अन पावसाचं नातं..!!
मी कोरडाच राहतो
माझ्या प्रश्नात
ती
सहज पकडते वाऱ्याचा हात..
गंध पसरतो आसमंतात
मी उत्तेजित
त्यास भरून श्वासात..!!
जाता जाता
तो देऊन जाईल
तिला
मोहक इंद्रधनुचा नजराणा..
ती
सावरेल आपला पदर पसारा
अन मी
असेन लुब्ध तिच्यावर तसाच
तिचा जणू प्रेम दिवाना..!!
***सुनिल पवार...✍🏼