|| असे सोहळे ||

|| असे सोहळे ||
==========
असे हे सोहळे
किती खास झाले..
की जगण्याचे केवळ
अति भास झाले..!!

जीवनात माझ्या
सारे उल्हास आले..
की अगणित अनंत
फाल्गुन मास झाले..!!
हात जोडून विनम्र
कुठूनसे दास आले..
की पोटातील भुकेचे
आगंतुक पाश झाले..!!
रंगबिरंगी स्वप्ने सारी
मोत्यांची रास झाले..
की इमले ते पत्त्यांचे
क्षणात ऱ्हास झाले..!!
या जीवनास श्रद्धेने
अर्पित श्वास केले..
की सरणावरचे अंतिम
परिवर्तित निश्वास झाले..!!
***सुनिल पवार..✍🏼