|| आई ||

|| मातृ दिनाच्या हार्दिक शुभेच्छा ||
===================
|| आई ||
=◆=◆=
आई वीना जग हे थीटे
तिच्याशिवाय ममत्व कोठे..
नका शोधु कुठे राऊळी
आई चरणी ईश भेटे..!!

तिन्ही जगाचा तो स्वामी
आईविना ठरला भिकारी..
देवादिकांसही दुर्लभ असे
वरदान आई जगास तारी..!!
ममतेचा तो विशाल सागर
करुणेची ती शीतल घागर..
ऐसी असते माय माउली
वृक्षापरी मायेचा पदर..!!
पहिला शब्द मुखी आई
आद्य गुरु ती असते माय..
महती तिची थोर इतकी
पामर मी वदणार काय..!!
आकाशाचा करून कागद
समुद्राची जरी केली शाई
वर्णन तिचे जमणार नाही
शब्दांनाही ते पेलणार नाही..!!
***********सुनिल पवार......