।। पहिला दिवस ह्याचा त्याचा।।

पहिला दिवस ह्यांचा त्यांचा..

नववर्षाचा पहिला दिवस
असाच जात असतो
प्रत्येकजण आपल्यापरीने
स्वागत करत असतो
पाहूया का..??
कोण काय करत असतो..!!

कोण निद्रेत घालवतो
कोण श्रद्धेत रमवतो..
कोण असाच भागवतो
तर कोण मदिरेत जागवतो..!!

कष्टकऱ्याच्या कामास येतो
आळशाचा आरामात जातो..
धनिकाचा विचारात बसतो
तर सात्विकाच्या आचारात असतो..!!

कोणाच्या स्वप्नात गुंततो
कोणाच्या संकल्पात बरळतो..
कोणाच्या सहवासात बहरतो..
तर कोणाचा एकांतात तरळतो..!!

दिवस येत राहतात
वर्ष सरत जातात..
चर्चा घडत राहतात
काही विस्मृतित जातात
तर काही आठवणीत राहतात..!!
--सुनिल पवार..