बांधते गाठ सात जन्माची..
तुझ्या रक्षणार्थ रे सत्यवाना..
अपेक्षित मज नाही काही..
बस जाण मनाची रे भावना..!!
विशाल वट वृक्ष जसा तू..
चालते वाट तुझ्या पावली..
फिरते नित्य तुझ्या भोवती..
जशी सोबती तुझी सावली..!!
साथ आपली जन्म जन्मांतरी..
समजू नको मज अबला नारी..
शक्ती तुझी मी अर्धांगिनी..
कदर जाण रे आता तरी..!!
सोडविले प्राण यम पाशातून..
जगी वंदनीय मी सावित्री..
मातीत माझ्या जन्म तुझा..
मी सावित्री मी धारित्री..!!
*चकोर*
No comments:
Post a Comment